اهلا وسهلا بكم 
بـــرجـــــــي
من طرف الصياد الصغير الجمعة أكتوبر 15, 2010 9:44 pmصيد أبن اوى ( المتعارف عليه عنا باسم الجقل )
طبعا بدنا نعرف انميز بين نوعين للجقل نوع اسمو ( الزهري) والتاني ( العكلي ) وهوي الاخطر طبعا العكلي هوي الذئب يعني متل الديب لونو من فوق اسود ومن نصو ولتحت بني متل كلب ( الشارلو) أو الجيرمن شيفرد
نحنا بدنا نميز ( وكر كل منهم) لانو العكلي طريقه صيدوو غير الزهري لانو خطير
هلا صيد الزهري بكون الوكر تبعو صغير بكون عن شي صخره او شوية حرش طبعا بدنا نمسكو بشريط فرام او دبرياج تبع موتور بينعقد من عند طرفو الدائري والمستطيل الشكل بحيث يصير دائره بتنشد وبترخي ( يعني كل ما سحب الشي داخل الدائره بضيق عليه وماعد ترخي معو
بتوضع هي الدائره بكبر فتحة الكوخ ومنسبتها من تحت بقشتين يكونو سماك ومنربط طرف سلك الدبرياج ب شجره مجاوره او صخره وتركو لتاني يوم الصبح طبعا الجقل بدو يطلع عند المغرب بيطلع اول شي راسو بيدخل بالدائرهوبشد بتسكر الدائره ع رقبتو بهل حالي رح يحاول يفلت حالو بشد اكتر بتشد ع رقبتو اكتر لهيك ماعد بشد ولا بقدم لقدام بضل واقف حتى تجي انت وتمسكو بطريقتك ويكون معك كلاب مدربه لانو اذا مو مدربه بيقتلوه للفقير وهيك بيكون صار بين اديك ؟
والطريقه التانيي هيي شوال تبع البطاطا
بتثبت لشوال بشي يكون قوي ع فتحة الكوخ تبع الجقل وبتترك طرف مو مثبت وبتشغل ورقة شجر كبيره شوي وبترميها جوا بيتو وبتسكر لشوال بدو يطلع بسرعه لانو ما فيه يستحمل الريحه بكون صار جوا الكيس
( بس دير بالك بدك تعرف اتفرق بين كوخ العكلي والزهري يا اما اذا خربطت وحطيت الشوال ع بيت العكلي بشوه الواحد بيخرب بيتو طبعا شريط الدبرياج للنوعين اما الشوال بس للزهري
وبس [b]