اهلا وسهلا بكم 
بـــرجـــــــي
من طرف الصياد الصغير الجمعة أكتوبر 15, 2010 9:19 pmالسلام عليكم ورحمة الله
انا اخوكم علي اليوم بدي اكتب طريقه صيد السمن بالشبكه
طبعا بمناطقنا الجبليه الرائعه
أول شي : شبكه طول 35 متر أو اكبر + مستلزماتها ( خشب التثبيت)+ ( السريكه)= جهاز يصدر صوت الطيور حسب النوع يلي بدك اتصيدوو
ثانيا : طبعا المناطق يلي بدنا انصيد فيها السمن لازم يكون فيها احراج يعني اشجار مو كبيره كتير طول مترين تقريبا نوع الشجر ( سنديان +بلوط + واحيانا يتواجد عند الزيتون ) طبعا السمن بحب اكتر شي شجر السنديان يعني هوي بنام بشجر السنديان والبلوط بس مو لصغير منن بنام بشجر كبير طبعا لازم نعرف كمان كيف نبوب الشجر بجهة الهجره شمال غربي بالشهور 10+11+12+1 (طبعا التبويب مشان الدبق) بتجهز محلات لقضبان الدبق وبتصلي الدبق الساعه 4 صباحا وبتشغل السريكه بصوت الشحرور والسمن بصوت عالي طبعا بتنزل ع الدبق الساعه 6 او 6و15 دقيقه هاد بخصوص الدبق
اما الشبكه لازم تنصلي بين الشجر لانو السمن ما بحط ع الارض واذا كانت ساقيه ( التقاء جبلين مع بعض) بكون افضل للشبكه لانو الطير بيختار اسهل محل للطيران بين الجبال وهاد كل شي عن صيد السمن
واي سؤال انا جاهز
