فلسفة حمار؟

فلسفة حمـار



عجبي عليك يا ابن آدم يا كبير الدار

قومت الدنيا وما قعدت لما قالوا حمار

هو اسمي شتيمة و لا جنسي ده عار

خلقني ربي و خلقك ولا حدش له خيار

وأنا مهما زاد الحمل فوقي صابر على المشوار

لا في يوم أقول اشمعني أخويا و أخد منه تار

ولا يوم أبص لرزق غيري و أطق منه وأغار

ولا أرفع في يوم عيني على جارتي و أصون الجار

ولا مهر أدفع لحمارتي وشبكة وسوار

ولا شقة أجمع في تمنها ولا أجهز دار

ولا حرمه حامل تتوحم عايزة الكفيار

ولا بنت تخرج عن طوعي وتجيب العار

ولا ابن يدمن و يهلوس ويقع ينهار

عايش في حالي متهني وليه أفكار؟

بأكل وباشرب وأنهق وما فيش أسرار

وعندي ابن أدم يخدم يخدمني ليل ونهار

إن جعت يشتري برسيمي بأغلى الأسعار

وفي مرضي يفضل يعالجني ويدعي الستار

خادم أمين من غير راتب ولا حتى إيجار

والحين عرفت يا بني آدم..


مين فينا حمــــــــــار ؟؟