اهلا وسهلا بكم 
مســـــاهمـــاتي
من طرف ( الله يعين هالولد )
الأب مخاطب الابن : تعال ولاه
الابن و بكل براءة : نعم
الأب: نعامة ترفسك ... تعال ولاه
الابن: ليش شو سويت؟
الأب: سواك ضريب يخلع رقبتك
الابن: شو فيه؟
الام: شاوي يشوي عضامك .... رد على ابوك بأدب ولاه
الابن: هوه انا حكيت شي؟
الأب: يحكوك جنابك بالعصايه اوقف عدل يا حيوان
الابن: حاضر
الأم: يحضروا على قبرك انشالله ... لما ابوك يحكي انت بتخرس
الابن :أخرس؟
الأب: ايوه ان شالله خرسه
الابن: ماشي
الأم: يجيك مشش بركبك ما تقوم منه انشالله
الابن: مشش ؟؟؟ .... شو هادا المشش؟؟
الأب: أمّا انك قليل حيا ... وبترد على امك كمان ؟ ... هات العصايه وتعال ولاه
الابن: أنا رديت على امي؟ ... يمّـه احكي كلمه
الأم: حكّه اللي تمزع نيـعـك ولاه ....قلتلك اخرس
الابن الان أصبح مغلوب على أمره ومش فاهم شو الموضوع .. و سكت
الأب: أما جيل قليل حيا ... أحكي ولاه ... مالك انخرست
الابن: شو أحكي؟ اذا حكيت بتقولوا عني قليل حيا وبتشوفوني غلط
الام : حيه اللي تقرصك انشالله ... قلتلك تأدب وأنت بتحكي مع ابوك
الأب : ايه "بتشوفوني غلط" هاي ... شايفنا عميان ولا حول ؟؟
الابن : لا اله الا الله
الأم : الله ياخدك انشالله .... يا ريتني خلفت ابن الجيران ولا انت
الأب: انا مو عارف هادا الولد ايمتا بدو يصير زلمه... دايما فاضحني بين الرجال
الابن: طيب شو اعمل حتى تشوفني زلمه ؟
الأب: قلتلك اخرس ولاه
الابن: يا الله ... يا الله ... يا جماعه شو حالكون... شو فيه ؟
الأم: آه صحيح انت ليش ناديت عالولد يا زلمه ؟
الأب: بتصدقي يا مره اني نسيت .... نساني شو كنت بدي منه هالكلب
الأب : روح انقلع ع غرفتك يا حمار
